İran Prezidenti Məsud Pezeşkian 29 oktyabr Respublika Günü münasibətilə Türkiyə Prezidenti Rəcəb Təyyib Ərdoğanı təbrik edib.
Globalinfo.az Axar.az-a istinadən xəbər verir ki, bu barədə Türkiyə mediası məlumat yayıb.
Pezeşkian təbrik məktubunda Tehran-Ankara əlaqələrinin genişləndirilməsinin vacibliyini də vurğulayıb.
“Ümid edirəm ki, birgə səylər fonunda iki ölkə arasında müxtəlif iqtisadi, siyasi və mədəni sahələrdə əlaqələrin genişlənməsinin və dərinləşməsinin şahidi olacağıq”, – Pezeşkian bildirib.
