İsrailin Baş naziri Benyamin Netanyahu HƏMAS-ın Qəzzada atəşkəslə bağlı təklifini rədd edib.
Globalinfo.az APA-ya istinadən xəbər verir ki, bu barədə İsrailin “KAN” telekanalı məlumat yayıb.
Bildirilib ki, sonuncu müzakirələr zamanı səsləndirilən təklif İsrailin hökumət başçısına çatdırılsa da o axırıncı HƏMAS döyüşçüsü qalanadək mübarizənin davam etdiriləcəyini bildirib.
Məlumata əsasən, İsrail tərəfi mayın 25-də əsirlərin mübadiləsi və atəşkəslə bağlı danışıqların növbəti həftədən davam etdirməyə hazır olduğunu bildirib. Hökumətdən verilən açıqlamada qeyd olunub ki, qarşı tərəf bu təklifi cavabsız qoyub.
