Mayın 26-da Ermənistan Müdafiə Nazirliyinin Vardenisdə yerləşən hərbi hissələrindən birində ağır qəza baş verib.
Globalinfo.az xəbər verir ki, bu barədə “Hraparak” nəşri məlumat yayıb.
Məlumata görə, tankın lüləsi fırlanaraq “Ural” markalı maşına dəyib. Nəticədə Ararat Arami Aroyan adlı bir əsgər ölüb, digəri isə yaralanıb.
Yaralı xəstəxanaya çatdırılıb, həyati təhlükəsi yoxdur.
Qeyd edilib ki, ölən əsgərin tərxis olunmasına 10 gün qalıbmış.
Ayşən Mustafa
Globalinfo.az
