Daha 6 israilli girov fevralın 22-də azad ediləcək.
Globalinfo.az xəbər verir ki, bu barədə İsrailin Baş naziri Benyamin Netanyahunun ofisi məlumat yayıb.
Bundan başqa, daha dörd girovun meyiti təhvil verilməlidir.
“Qahirədə keçirilən danışıqlar zamanı şənbə günü 6 girovun azad edilməsi barədə razılığa gəlinib. Cümə axşamı isə dörd girovun meyiti təhvil veriləcək. Razılığa əsasən, növbəti həftə daha dörd girovun meyiti İsrailə veriləcək”, – məlumatda qeyd olunur.
Xatırladaq ki, yanvarın 19-dan etibarən İsrail və HƏMAS arasında atəşkəs barədə razılıq qüvvəyə minib və tərəflər girov-məhbus mübadiləsinə başlayıb.
Aysel Əliyeva
Globalinfo.az
