Dağıstanda güclü külək elektrik enerjisinin kəsilməsinə səbəb olub.
Globalinfo.az APA-ya istinadən xəbər verir ki, bu barədə Rusiya Federasiyasının Energetika Nazirliyinin teleqram kanalında məlumat verilib.
“Dağıstanda sürəti 25 m/s-ə çatan güclü külək elektrik enerjisinin kəsilməsinə səbəb olub. Saat 18:00-a olan məlumata görə, 57 yaşayış məntəqəsində 127 mindən çox istehlakçı işıqsız qalıb”, – məlumatda deyilir.
İdarədən verilən məlumata görə, qəza-bərpa işlərinə 30 briqada – 89 nəfər və 31 xüsusi texnika cəlb olunub.
Dağıstanın güclü küləklə əlaqədar bəzi qurumlar xüsusi iş rejiminə keçiblər.
