Belarus Xarici İşlər Nazirliyi Ermənistan tərəfinə nota verib.
Globalinfo.az xəbər verir ki, səfir olmadığı üçün Ermənistanın müvəqqəti işlər vəkili Belarus XİN-ə çağırılıb.
Belə ki, Ermənistanın Belarusdakı müvəqqəti işlər vəkili Narek Tiraturyana nota təqdim edilib.
Xarici İşlər Nazirliyində görüşü MDB ölkələri ilə ikitərəfli əməkdaşlıq şöbəsinin müdiri Sergey Molunov keçirib.
Eyni zamanda, ölkələr arasında əlaqələr və inteqrasiya strukturlarında qarşılıqlı fəaliyyət müzakirə olunub.
Qeyd edək ki, daha öncə İrəvan Belarusdakı səfirini çağırıb. Ermənistanın baş naziri isə prezident Aleksandr Lukaşenkonun bəyanatlarına görə rəsmi şəxslərin Minskə səfərini qadağan edib.
Müşviq Tofiqoğlu
Globalinfo.az
