1999-cu il təvəllüdlü Əhməd Əhmədovun aralarında yaranmış mübahisə zamanı atası 1972-ci il təvəllüdlü Mehman Əhmədova, anası 1977-ci il təvəllüdlü Pikə Əhmədovaya və 2015-ci il təvəllüdlü azyaşlı qardaşına balta ilə xəsarətlər yetirərək onları qəsdən öldürməsinə əsaslı şübhələr müəyyən edilib.
Globalinfo.az xəbər verir ki, “Qafqazinfo” ailəsini məhv etməkdə şübhəli bilinən Əhməd Əhmədovun fotosunu əldə edib.
Məlum olub ki, Əhməd 59, 191 və 272 saylı məktəblərdə təhsil alıb. O, bir müddət Rusiyada da yaşayıb.
***
“Gününsəsi”nin məlumatına görə, Bakıda ata-anasını və 9 yaşlı qardaşını qətlə yetirən Əhməd Əhmədov ruhi xəstə olub və bir neçə gün əvvəl 1 saylı Respublika Psixiatriya Xəstəxanasından anasının təkidi ilə çıxarılıb.
Ə.Əhmədov bir neçə ildir ki, psixoloji xəstəlikdən əziyyət çəkirmiş.
