“İordaniya-Suriya sərhədində ABŞ bazasına edilən hücumlarda İranın əli yoxdur”.
Globalinfo.az xəbər verir ki, bu fikirləri İranın BMT-dəki daimi nümayəndəsi Əmir Səid İrəvani deyib.
“İranın bu hücumlarla heç bir əlaqəsi yoxdur və münaqişə Amerika Birləşmiş Ştatları ilə regionda bir-birinə qarşı vuruşan müqavimət qrupları arasındadır”.
Diplomat bu açıqlamanı ABŞ-ın ittihamlarına cavab olaraq verdiyini vurğulayıb.
Qeyd edək ki, yanvarın 28-də İordaniyanın şimal-şərqində, Suriya ilə sərhəddə yerləşən ABŞ hərbi bazasına PUA-larla hücum edilib. Hücum nəticəsində 3 ABŞ əsgəri həyatını itirib, 34 nəfər isə yaralanıb.
Safura Bənnayeva
Globalinfo.az