Ukrayna ərazisi tezliklə güclü birləşmiş hücuma məruz qala bilər.
Globalinfo.az xəbər verir ki, teleqram kanalının “Operation Z: War Correspondents of the Russian Spring” düşmən mənbələrinə istinadən verdiyi məlumatda bildirilib.
Qeyd olunur ki, hücumun əsas hədəfləri çox güman ki, paytaxt və ətraf Kiyev bölgəsi olacaq. Hesabatda vurğulanır ki, Tu-95MS strateji bombardmançı təyyarələri Ukrainka hava bazasından Ukrayna sərhədlərinə yaxın yerləşən aerodromlara hərəkət edir.
İvano-Frankivsk meri Ruslan Martsinkiv də oxşar xəbərdarlıq edib. O, teleqram kanalında sakinləri raket hücumları təhlükəsi ilə əlaqədar növbəti iki gün ərzində ehtiyatlı olmağa çağırıb.
Xatırladaq ki, mayın 24-də Rusiya hərbçiləri Starobilskdəki terror hücumuna cavab olaraq Ukraynadakı hərbi infrastruktur obyektlərinə cavab zərbəsi endiriblər.
Bu missiyanı yerinə yetirmək üçün “Oreshnik” ballistik raketləri, “İsgəndər” aeroballistik sistemləri, “Kinjal” hipersəs sistemləri, “Tsirkon” qanadlı raketləri və zərbə dronları yerləşdirilib.
Tahir Turan
Globalinfo.az
Həmçinin oxuyun
