Konstitusiya Məhkəməsinin hakimi Mahir Muradov dünyasını dəyişib.
Globalinfo.az konkret.az-a istinadən xəbər verir ki, mərhum 66 yaşında həyatla vidalaşıb.
Qeyd edək ki, 1956-cı il təvəllüdlü Mahir Muradov əmək fəaliyyətinə 1973-cü ildən başlayıb. Elə həmin ildən 1979-cü ilədək Ədliyyə Nazirliyi orqanlarında çalışıb.
2012-ci ildə Prezidentin təqdimatı əsasında Milli Məclisinin qərarı ilə Konstitusiya Məhkəməsinin hakimi vəzifəsinə təyin olunub.
Prezidentin 20 iyul 2016-cı il tarixli Sərəncamı ilə Azərbaycan Respublikasının prokurorluq və məhkəmə hakimiyyəti orqanlarında səmərəli fəaliyyətinə görə «Əməkdar hüquqşünas» fəxri adı alıb.
Ölkə başçısının 27 may 2019-cu il tarixli Sərəncamı ilə “Azərbaycan Xalq Cümhuriyyətinin 100 illiyi (1918 – 2018)” yubiley medalı ilə təltif edilib.
Mərhum ailəli olub, üç övladı var.
