“Ermənistanın bu tədbirdə iştirak etməməsinin Azərbaycan üçün əhəmiyyəti yoxdur”.
Globalinfo.az xəbər verir ki, bu sözləri Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev deyib.
Prezidentin köməkçisi bildirib ki, Bakıda keçirilən COP29 tədbiri Ermənistan üçün faydalı imkan ola bilərdi:
“İrəvan COP29-da iştirak etmirsə, deməli, bu günə qədər COP-la bağlı tutduğu mövqe cılız propaqandadan başqa bir şey olmayıb. Təəssüf ki, Ermənistan dövlət strukturlarının bilavasitə iştirakı və hökumətinin dəstəyi ilə Azərbaycana qarşı çirkin təbliğat kampaniyaları aparılır”.
Zaira Akifqızı
Globalinfo.az
