Martın 19-dan Yevlax rayonunun Xaldan qəsəbəsində itkin düşdüyü bildirilən bir qrup yeniyetmə tapılıb.
Globalinfo.az Publika.az-a istinadən xəbər verir ki, onlar dostlarından birinin əmisi evində bayram yığıncağına gedib və orada gecələyiblər.
Faktla bağlı araşdırma aparılır.
***17:33
Yevlaxda itkin düşən 4 yeniyetmə axtarılır.
Bu barədə Globalinfo.az-a Daxili İşlər Nazirliyinin (DİN) Mətbuat Xidmətinin Bərdə regional qrupundan məlumat verilib.
Məlumata görə, mart ayının 19-da Yevlax rayonunun Ərəş kəndində yaşayan 4 yeniyetmə – 2008-ci il təvəllüdlü Quliyeva Sona Səyyaf qızı, 2008-ci il təvəllüdlü Musayeva Aysu Nəsimi qızı, 2005-ci il təvəllüdlü İsmayılov Nəbi Seyran oğlu və 2005-ci il təvəllüdlü Soltanov Ələmdar Elgün oğlu yaşadıqları evlərdən çıxaraq bir daha geri qayıtmayıblar.
Şəkillərdəki şəxsləri görənlərdən və barələrində məlumatı olanlardan DİN-in “102 – Zəng Mərkəzi”nə, həmçinin Yevlax Rayon Polis Şöbəsinin (022) 336 – 45 – 02 şəhər və (055) 537 – 87 – 97 mobil nömrələrinə zəng vurmaları xahiş olunur.
