Xəbər verdiyimiz kimi, dünən yerli saatla 18:45-də Türkiyənin Bartın şəhərinin Amasra rayonunda kömür mədənində partlayış baş verib. Ən son məlumata görə, hadisə nəticəsində 28 nəfər həlak olub. Hazırda 15 işçinin xilas edilməsi istiqamətində işlər davam etdirilir.
Globalinfo.az bildirir ki, “Qafqazinfo”nun xəbərinə görə, mədəndə çalışan işçilərin ailələri və yaxınları partlayış xəbərindən sonra hadisə yerinə gələrək doğmalarının taleyi ilə maraqlanıb. Yaxınlarının, eləcə də iş yoldaşlarının xilas edilməsini gözləyən şəxslərin keçirdiyi hisslər isə kameralardan yayınmayıb.
Sosial şəbəkələrdə atasının xilas edilməsini gözləyən bir gəncin digər işçilər tərəfindən təsəlli edilməsinin görüntüləri yayılıb.
Hazırda bir çoxları hadisə yerində qalaraq yaxınlarından xəbər gözləyirlər.
