Təbriz neft emalı zavodunda partlayış baş verib.
Globalinfo.az xəbər verir ki, bu barədə TASS məlumat yayıb.
Məlumatda bildirilib ki, İranın şimal-qərbində Təbriz neft emalı zavodunda tikilməkdə olan qurğulardan birində azot çəni partlayıb. Zavodun yaxınlığında qatı tüstü ətrafı bürüyüb.
İslam İnqilabı Keşikçiləri Korpusunun (SEPAH) yaydığı məlumatda bildirilib ki, partlayış nəticəsində 8 nəfər yaralanıb.
Şərqi Azərbaycan vilayətinin Böhran Vəziyyətlərində İdarəetmə Baş direktoru deyib ki, Təbrizdəki partlayışlar bölgədə partlamamış İsrail hərbi sursatlarının zərərsizləşdirilməsi zamanı baş verib.
Əliyar Xəlil
