Rusiya ABŞ dövlət katibi Marko Rubioya qarşı sanksiyaları ləğv etməyib.
Globalinfo.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.
“Yayılan məlumatlar saxtadır”, – deyə o bildirib.
Qeyd edək ki, bundan əvvəl dövlət katibinin Rusiya xarici işlər naziri Sergey Lavrovla danışmasından sonra ona qarşı sanksiyaların ləğv edildiyi iddia olunub.
Xatırladaq ki, Marko Rubionun 2022-ci ilin mayında Rusiyaya girişi qadağan olunub. O, şəxsi sanksiyalara məruz qalan ABŞ vətəndaşları siyahısına əlavə edilib.
Günay Rəsulqızı
Globalinfo.az
