Qubadlı rayonunun Mahruzlu kəndində evlərin yerdən məsafə qoyulmadan, kürsüsüz inşa edilməsilə bağlı görüntülər yayılıb. Bəzi ekspertlər həmin evlərin sel təhlükəsi ilə üz-üzə qalacağını iddia edirlər.
Globalinfo.az bildirilib ki, Mahruzlu kəndindəki evlərin inşasını həyata keçirən “Amal Group”dan Axar.az-a verilən açıqlamada tikintinin qanunvericiliyin tələbinə uyğun aparıldığı deyilib.
“Tikinti-quraşdırma işləri qanunvericiliyin tələblərinə uyğun, təsdiq edilmiş layihə sənədləri əsasında, ciddi dövlət nəzarəti tədbirlərinin müşayiəti ilə həyata keçirilir”, – şirkətdən bildirilib.
