Gürcüstanın Kvemo Kartli bölgəsinin Bolnisi bələdiyyəsinin Tapan (Dişvili) kəndi yaxınlığında hərbi təyyarə qəzaya uğrayıb.
Globalinfo.az xəbər verir ki, bu barədə Gürcüstan Müdafiə Nazirliyi məlumat yayıb.
Bildirilir ki, iyulun 2-də aviasiya vasitələrinin cəlb olunduğu planlaşdırılmış hərbi təlimlərin birində Müdafiə Qüvvələrinə məxsus Su-25 təyyarəsi qəzaya uğrayıb. Nəticədə Müdafiə Qüvvələrinin Aviasiya və Hava Komandanlığının pilotu Kaxaber Zurabaşvili həlak olub.
Hadisənin səbəblərinin müəyyənləşdirilməsi məqsədilə Müdafiə Nazirliyinin müvafiq xidmətləri tərəfindən araşdırma aparılır.