“Şuşada Türk Dövlətləri Təşkilatının qeyri-rəsmi Zirvə görüşünə Şimali Kipr Türk Cümhuriyyətinin (ŞKTC) Prezidenti Ersin Tatarın qatılması son dərəcə əhəmiyyətli oldu”.
Globalinfo.az xəbər verir ki, bunu Türkiyə Prezidenti Rəcəb Tayyib Ərdoğan ŞKTC-dən dönüşdə təyyarədə jurnalistlərə açıqlamasında bildirib.
O deyib ki, ŞKTC-nin beynəlxalq aləmdə məruz qaldığı haqsız təcridin aradan qaldırılması istiqamətində səyləri davam etdirirlər:
“İslam Əməkdaşlıq Təşkilatı və Türk Dövlətləri Təşkilatı çərçivəsində ŞKTC-nin haq etdiyi yeri alması üçün lazım olan işləri görürük. Ona görə də Ersin Tatarın Şuşada Türk Dövlətləri Təşkilatının qeyri-rəsmi Zirvə görüşünə qatılması son dərəcə anlamlı oldu. İnşaallah, önümüzdəki dövrdə bunu yeni addımlar təqib edəcək. 1974-cü ildə Barış Hərəkatı ilə qurduğumuz, 1983-cü ildə ŞKTC elanıyla əldə etdiklərimizi bütün dünyada tanınan Kipr Türk Dövləti ilə taclandıracağıq”.
