Bu gün Bakının Heydər Məscidində helikopter qəzasında həlak olan İran Prezidenti İbrahim Rəisi və xarici işlər naziri Hüseyn Əmir Abdullahian, eləcə də digər şəxslərin 40 mərasimi təşkil edilib.
Globalinfo.az Axar.az-a istinadən xəbər verir ki, mərasim İranın Azərbaycandakı səfirliyinin təşkilatçılığı ilə baş tutub.
Mərasimdə Azərbaycan Baş nazirinin müavini Şahin Mustafayev, Azərbaycan XİN-in rəsmi nümayəndələri, deputatlar, Azərbaycandakı xarici səfirlər və diplomatlar iştirak ediblər.
Qeyd edək ki, İbrahim Rəisi, Hüseyn Əmir Abdullahian və digər rəsmilər 19 mayda Şərqi Azərbaycanda helikopter qəzasında həlak olublar.
