“ABŞ 2008-ci ildən bəri 17 il ərzində ilk dəfə Böyük Britaniyada bir neçə nüvə bombası yerləşdirib”.
Globalinfo.az xəbər verir ki, bu barədə İngiltərə Müdafiə Jurnalı məlumat yayıb.
“Bombaların Nyu-Meksikodakı Kirtland Hərbi Hava Qüvvələri bazasındakı ABŞ Hərbi Hava Qüvvələrinin Nüvə Silahları Mərkəzindən Böyük Britaniyada yeni tikilmiş təhlükəsiz anbara köçürüldüyü güman edilir. Nüvə silahlarının krallıq ərazisinə qaytarılması Rusiya ilə münasibətlərin pisləşməsi fonunda baş verib. Buna “NATO-nun Avropadakı nüvə strategiyasında ciddi dəyişiklik” də demək olar”, – deyə bildirilib.
Rəsmi orqanlar hələlik bu məlumatı şərh etməyiblər.
Əliyar Xəlil
Globalinfo.az
