Ukrayna Dövlət Təhlükəsizliyi Departamentinin əməkdaşları idarənin rəisi vəzifəsini icra edən və Ukrayna prezidenti Vladimir Zelenskinin şəxsi mühafizəçisi olan Maksim Donetsi hakimiyyəti ələ keçirməkdə ittiham ediblər.
Globalinfo.az Publika.az-a istinadən xəbər verir ki, bu barədə Ukraynanın “Strana.ua” nəşri Ukrayna liderinə müvafiq müraciət dərc edərək məlumat yayıb.
10 zabitin dediyinə görə, “əvvəlki lider vəzifəsindən kənarlaşdırıldıqdan sonra onun müavini olan Donets özü onun vəzifəsinin artırılması haqqında fərman verib, bu, qanunsuzdur və dövlət hüquq-mühafizə orqanında hakimiyyətin icazəsiz ələ keçirilməsindən bəhs edir”.
Zabitlər Donetsin işə müdaxilə etdiyini və yüksək vəzifəli şəxslərin təhlükəsizlik postuna silahsız daxil olmasını tələb etdiyini bildiriblər. O, həmçinin mövcud olan bütün partlayıcı maddələrin saxlanmaq üçün Təhlükəsizlik Xidmətinə göndərilməsini əmr edib. Zabitlərin sözlərinə görə, partlayıcılar hətta itləri öyrətmək üçün istifadə edən kinoloqlardan da götürülüb.
Zabitlər Zelenskidən Dövlət Təhlükəsizliyi Departamentinə qanuni rəhbər təyin etməyi və Donetsin əmrlərini ləğv etməyi xahiş edirlər. Onlar Zelenskidən başqa, Radanın spikeri Ruslan Stefançuka, baş prokuror Andrey Kostinə və bir sıra hüquq-mühafizə orqanlarının rəhbərlərinə də müraciət ediblər.
Bundan əvvəl, mayın 6-da Ukraynanın Dövlət Təhlükəsizliyi Departamentinin rəhbərinin saxlanıldığı bildirilirdi. Qeyd edildiyi kimi, o, mayın 5-də prezident də daxil olmaqla qorunan şəxslərlə bağlı məxfi məlumatları xarici kəşfiyyat orqanlarına ötürməkdə şübhəli bilinərək saxlanılıb.
