Braziliyanın Ali Məhkəməsi Trampın andiçmə mərasimində iştirak etmək istəyən keçmiş prezident Jair Bolsonaronun pasportunu qaytarmayıb.
Globalinfo.az xəbər verir ki, Ali Məhkəmə sabiq prezidentin ABŞ-a getməsi üçün lazım olan sənədi qaytarmaq tələbinə rədd cavabı verib.
Hakim Alexandre de Moraes, Bolsonaronun cinayət məsuliyyətindən qaçmaq üçün siyasi sığınacaq istəmək imkanlarını nəzərdən keçirdiyini əsas gətirib.
Xatırladaq ki, 2030-cu ilə qədər prezidentliyə namizədliyinə qadağa qoyulan və 2022-ci il seçkilərində məğlub olduqdan sonra dövlət çevrilişinə cəhddə ittiham olunan Bolsonaro 2024-cü ilin fevralında Braziliyanın ən yüksək məhkəməsi tərəfindən pasportundan məhrum edilib. Ölkənin keçmiş prezidenti isə hər hansı qanun pozuntusunu rədd edir.
Qeyd edək ki, 2019-2022-ci illərdə ölkəni idarə edən Bolsonaro keçən həftə Trampın andiçmə mərasiminə dəvət edildiyini açıqlayıb və pasportunun qaytarılmasını tələb edib.
Müşviq Tofiqoğlu
Globalinfo.az
