“Dağlıq Qarabağ respublikasının buraxılması hərbi fəaliyyətlərin dayandırılması nöqteyi-nəzərindən yaxşıdır”.
Globalinfo.az xəbər verir ki, bu barədə Rusiya Dövlət Dumasının MDB məsələləri üzrə komitəsinin sədri Viktor Vodolatski bildirib.
“Ermənistan və onun lideri Nikol Paşinyanın bütün platformalarda Qarabağı Azərbaycan ərazisi kimi tanıması nəzərə alındıqda indi cari proses gedir. Təbii ki, Qarabağın erməni sakinləri ərazini tərk edir, Ermənistanda və ya Rusiyada yaşayacaqlar.
Viktor Vodolatski
Təbii ki, bizim orada yerləşən sülhməramlı qüvvələrimizin varlığı əhəmiyyətsiz olacaq. Ancaq bunu üç ölkənin – Rusiya, Azərbaycan və Ermənistanın liderləri həll edəcəklər”, – o deyib.
V.Vodolatskinin sözlərinə görə, Moskvanın prioriteti regionda hərbi fəaliyyətlərin dayandırılmasıdır.
“Rusiya üçün Cənubi Qafqazda sabitlik elementi vacibdir”, – Duma üzvü qeyd edib.
Əliyar Xəlil
Globalinfo.az
