“Dqr”in “prezidenti” kimdir ki, “arsax”ın ləğvinə imza atdıqdan sonra dövlət maşını və cangüdəni ilə Ermənistanı gəzir? Mühafizəçilər haradan maaş alır və ya ən son model “Land Cruiser 200” avtomobilinə necə qulluq olunur?
Globalinfo.az Axar.az-a istinadən xəbər verir ki, bunu erməni bloger Vahe Ağacanyan Feysbuk səhifəsində yazıb.
“Qarabağ klanı Ermənistanda hansı sui-qəsdlər toxuyur? Niyə ümumiyyətlə azadlıqdadırlar və hər gün hansı görüşləri keçirirlər? Paşinyan, siz suverenlik və müstəqillik uğrunda mübarizə aparmısınız. Budur sizin suveren dövlətiniz? Ümumiyyətlə bu, ölkədir? Bir ölkədə ki, xarici agentlər dövlət daxilində açıq sui-qəsddə iştirak edir. Əgər bu qarışıqlıq davam edərsə, o zaman 2018-ci ildə küçələrə çıxan xalq daha bir inqilab edəcək ki, bu da ilk növbədə inqilabi vədləri yerinə yetirməyən Paşinyanı, sonra isə Qarabağ klanı və Ermənistanı dağıdanları amansızcasına cəzalandıracaq”, – o bildirib.
Qeyd edək ki, erməni separatçılarının sonuncu rəhbəri Samvel Şahramanyan İrəvanda şəxsi mühafizəsi ilə görüntülənib.
