Rusiyada yaşayış binasında güclü yanğın olub.
Globalinfo.az xəbər verir ki, bu barədə Rusiya Fövqəladə Hallar Nazirliyi məlumat yayıb.
Hadisə Krasnodar diyarının Anapa şəhərindəki onbirmərtəbəli binada baş verib.
Hadisə nəticəsində 1 nəfər yaralanıb.
Bildirib ki, binada olan 440 nəfər, o cümlədən 112 uşaq təxliyə edilib.
Yanğının söndürülməsi üçün hadisə yerinə 100-dən çox canlı qüvvə və 37 texnika cəlb olunub.
Rusiya Fövqəladə Hallar Nazirliyi min kvadratmetr sahənin yandığını bildirib.