Rusiyada hərbi-nəqliyyat təyyarəsinin qəzaya uğraması nəticəsində ölənlərin sayı 75-ə çatıb.
Globalinfo.az xəbər verir ki, bu barədə xarici KİV məlumat yayıb.
Qeyd olunub ki, təyyarə yerə düşməzdən əvvəl havada partlayış səsləri eşidilib.
X X X
Rusiyanın Belqorod vilayətində qəzaya uğrayan hərbi-nəqliyyat təyyarəsinin göyərtəsində 74 nəfər olub və onların hamısı ölüb.
Globalinfo.az xəbər verir ki, bu barədə Rusiya KİV-i məlumat yayıb.
Rəsmi qurumlar hələ ki məlumatı təsdiqləməyib.
***13:28
Belqorodda qəzaya uğrayan İl-76 hərbi təyyarəsinin göyərtəsində Ukrayna Silahlı Qüvvələrinin üzvü olan 65 hərbi əsir olub.
Globalinfo.az xəbər verir ki, bu barədə Rusiya Müdafiə Nazirliyi məlumat yayıb.
Qəza zamanı təyyarənin göyərtəsində hərbi əsirlərlə yanaşı 6 ekipaj üzvü və mühafizəçinin də olduğu bildirilib.
Qeyd edək ki, təyyarə əsirlərin mübadiləsi üçün aparılarkən qəzaya uğrayıb.
***
Rusiyanın İl-76 hərbi nəqliyyat təyyarəsi Belqorod vilayətində qəzaya uğrayıb.
Globalinfo.az xəbər verir ki, bu barədə Rusiya KİV-i məlumat yayıb.
Hazırda hadisə yerində xilasedicilər işlədiyi, qəza ilə bağlı araşdırma aparıldığı bildirilir.
Qeyd edək ki, Ukrayna bu gün pilotsuz uçuş aparatları (PUA) ilə Belqoroda hücum edib.