Rusiyanın Ulyanovsk vilayətində 396 sərnişinin olduğu Adler-Perm qatarı manevr edən teplovozla toqquşub.
Globalinfo.az Rusiya KİV-ə istinadən xəbər verir ki, hadisə Kuybışev dəmir yolunun 962 km-də baş verib.
Toqquşma nəticəsində ölən olmayıb.
Rusiya Dəmir Yollarından isə bildirib ki, 25 sərnişin, o cümlədən biri yeniyetmə olmaqla xəsarət əlamətləri ilə həkimə müraciət edib.
Sərnişinlər arasında 94 uşağın olduğu qeyd edilib.
Rusiya İstintaq Komitəsinda faktla bağlı araşdırma aparılır.
