Rusiya Daxili İşlər Nazirliyinin “Qrom” xüsusi bölmələri təyyarə ilə Belqorod şəhərinə göndərilib.
Globalinfo.az xəbər verir ki, bu barədə Rusiya mənbələri məlumat yayıb.
Qeyd edək ki, az öncə Priqojin Rusiya müdafiə naziri Sergey Şoyqunun Rostova gələrək, “Vaqner”ə qarşı artilleriya və hərbi təyyarələrdən istifadə edərək, böyük əməliyyat keçirdiyini bildirib. “Vaqner” düşərgələrinə endirilən zərbə nəticəsində yüzlərlə vaqnerçinin öldüyü və yaralandığını da iddia edib.
Bunun ardınca Priqojin “hərbi çevriliş elan edib” və Rostova doğru irəliləməyə başlayıb. Şoyqunun Rostovdan qaçdığını bildirən Priqojin onu qorxaq da adlandırıb.
Hazırda isə onun ordusu ilə Moskvaya getdiyi iddia edilir.
***
Rusiya Müdafiə Nazirliyinin qüvvələri Vaqnerçilərə zərbə endirib.
Globalinfo.az xəbər verir ki, bununla bağlı sosial şəbəkənin Rusiya seqmentində kadrlar yayılıb.
Zərbə nəticəsində “Vaqner”in ağır itkilər verdiyi qeyd olunur.
Sosial şəbəkə istifadəçiləri Rusiyada “vətəndaş müharibəsi”, “qardaş qırğını”nın başlayacağını iddia edirlər.
Tahir Turan
Globalinfo.az
