Ukraynanın neft emalı infrastrukturlarına yönəltdiyi hücumlar Rusiyada neft məhsullarının istehsalına ciddi təsir göstərib.
Globalinfo.az xəbər verir ki, bu barədə “Bloomberg”in məlumatında bildirilib. Qeyd olunub ki, may ayı ərzində Ukrayna pilotsuz uçuş aparatları Rusiyanın ən iri on neft emalı zavodundan səkkizini hədəfə alıb.
Nəticədə ölkədə gündəlik neft emalı həcmi 4,58 milyon barelə qədər geriləyib ki, bu da ötən ilin eyni dövrü ilə müqayisədə təxminən 700 min barel azdır.
Məlumatda qeyd olunur ki, bu göstərici Rusiyada neft emalının 2009-cu ildən bəri ən aşağı səviyyələrindən biri hesab edilir.
Kreml vəziyyətin nəzarət altında olduğunu bildirsə də, bir sıra enerji ekspertləri istehsal gücünün azalmasının daxili bazarda yanacaq qıtlığı riskini artıra biləcəyini vurğulayırlar.
Tahir Turan
Globalinfo.az
Həmçinin oxuyun
