Aparıcı Rövşanə Ağasəfqızı yeni mövsümdə “Space” TV-də efirə çıxacaq.
Globalinfo.az xəbər verir ki, aparıcı yeni verilişi ilə bağlı paylaşım edib. O, sosial şəbəkə hesabında yeni layihəyə başlayacağını bildirsə də, hansı kanalda olacağını gizli saxlayıb.
“Yeni veriliş başlayır… Yanımda olan hər kəsə sevgilər, geridə qalanlara uğurlar. Dünəni bağrıma basıb, əl sıxıram. Yaşadığım hər an, hər saniyə üçün sonsuz təşəkkür. Yanlışlarımın əfvi, doğrularımın halalı ümidi ilə yola davam…”, deyə o yazıb.
Qeyd edək ki, aparıcı bundan əvvəl Kanal S-də çalışıb.
