Qazaxıstanın şimalında Petropavlovsk şəhərində yaşayış binasının birinci mərtəbəsində güclü yanğın baş verib.
Globlinfo.az xəbər verir ki, yanğın butikdən başlayıb.
Hadisə yerinə gələn xilasedicilər 18-i uşaq olmaqla 68 sakini təxliyə ediblər.
Fövqəladə Hallar Nazirliyinin son məlumatına görə, söndürülməsi üçün 70 canlı qüvvə və 18 texnikanın cəlb olunduğu yanğın lokallaşdırılıb.
Güclü tüstü səbəbindən yanğını 3 saatdan çoxdur ki, tam söndürmək olmur.
Yanğınların təkrar baş verməsinin qarşısını almaq üçün konstruksiyaların sökülməsi və suvarılması işləri davam etdirilir.
Ölən və yaralananlar barədə məlumat verilmir.
Zaira Akifqızı
Globalinfo.az
