Avropa İttifaqının Azərbaycandakı Nümayəndəliyinin rəhbəri Peter Mixalko Azərbaycana Ukraynaya növbəti humanitar yardım göndərildiyi üçün təşəkkür edib.
Globalinfo.az xəbər verir ki, Mixalko tvitter hesabında paylaşım edərək minnətdarlığını bildirib:
“Ukraynaya növbəti humantitar yardım göndərildiyi üçün Azərbaycana dərin minnətdarlığımı bildirirəm. Bu, dəhşətli cinayətin fəsadlarının – Kaxovka bəndinin dağıdılmasının nəticələrinin aradan qaldırılmasına kömək edir. Rus təcavüzkarları cavab verəcəklər. Mülki infrastrukturun dağıdılması müharibə cinayətidir”.
