“Artıq əmin oluram ki, bəzi qüvvələr uzun müddət Qarabağ məsələsindən Ermənistanda dövlətin qurulması və formalaşmasına mane olmaq üçün istifadə ediblər”.
Globalinfo.az xəbər verir ki, bunu Ermənistanın Baş naziri Nikol Paşinyan parlamentdə çıxışı zamanı deputat Seyran Ohanyanın sualına cavab olaraq deyib.
Paşinyan Bakıda saxlanılan erməni terrorçuların (Araik Arutyunyan, Bako Saakyan, Arkadi Qukasyan) qaytarılması ilə bağlı müəyyən işlərin görüldüyünü bildirib:
“Bizim strategiyamız Ermənistan dövlətçiliyi və suverenliyinin gücləndirilməsidir. Bu yolla davam edəcəyik. Məni narahat edən və maraqlandıran da Ermənistan Respublikasının gələcəyidir.
O ki qaldı İrəvanı Qarabağı tək buraxmaqda ittiham edənlərə, onların etdiyini sadəcə belə adlandırmaq olar: minnət. Bakıda saxlanılan şəxslərin ölkəmizə qaytarılması üçün isə mümkün olan hər şey edilir”.
Ayşən Mustafa
Globalinfo.az
