ABŞ-ın kosmik agentliyi NASA Yerin gecə vaxtı çəkilmiş peyk fotosunu dərc edib.
Bu fotoda Ukraynada ümumiyyətlə işığın olmadığı əks olunub.
Noyabrın 24-də qeydə alınan görüntüdə Ukraynanın tam olaraq qaranlığa büründüyü, lakin digər ölkələrdə yanan parlaq işıqlarla əhatə olunduğu müşahidə olunur.
Qeyd edək ki, noyabrın 25-i axşam saatlarından Ukraynanın əksər regionlarında və Kiyevdə işıqlar kəsilib, 6 milyondan çox vətəndaş işıqsız qalıb.
Ölkə Prezidenti Vladimir Zelenski vətəndaşları elektrik enerjisindən qənaətlə istifadə etməyə çağırıb.
