“ABŞ Gürcüstanda rəngli inqilab hazırlamır”.
Globalinfo.az xəbər verir ki, bunu ABŞ Dövlət Departamentinin mətbuat katibi Metyu Miller deyib.
Ağ Ev rəsmisi Vaşinqtonun Tbilisini dəstəklədiyini bildirib:
“Bu ittihamlar yalandır. Bizim gürcü xalqı ilə sülh, çiçəklənmə və demokratiyanın qurulmasına kömək edən, uzun illərə dayanan tariximiz var. 2008-ci ildə Rusiya Gürcüstanın 20% ərazisini işğal edib. Biz Tbilisini Moskvanın aqressiyasına qarşı dəstəkləyirik”, – Miller deyib.
Qeyd edək ki, bu həftənin əvvəlində Rusiya Xarici Kəşfiyyat Xidməti ABŞ-ın Gürcüstanda oktyabr ayında rəngli inqilab planlaşdırdığına dair məlumat yayıb.
Əliyar Xəlil
Globalinfo.az
