PSJ-nin futbolçusu Lionel Messi əsas heyətlə məşqlərə qayıdıb.
Globalinfo.az qol.az-a istinadən xəbər verir ki, bu barədə Paris klubunun mətbuat xidməti məlumat yayıb.
Messi ötən həftə rəhbərliyin və komandanın məşqçilər heyətinin icazəsi olmadan Səudiyyə Ərəbistanına səfər etmişdi və buna görə də 2 həftəlik komandadan uzaqlaşdırılmışdı.
Bir neçə gün əvvəl Messi sosial şəbəkələrində məsələyə görə video yayımlayıb. O,etdiyi hərəkətə görə üzr istəyib. Messi Səudiyyə Ərəbistanında turizm səfiri olduğu müqavilə öhdəliklərini yerinə yetirdiyini əsas gətirib. Argentinalı forvard videoda ötən bazar ertəsinin istirahət günü olacağını düşündüyünü, lakin səfəri təxirə sala bilmədiyini qeyd edib.
