Xəbər verdiyimiz kimi, Fransa Prezidenti Emmanuel Makron, Polşanın Baş naziri Donald Tusk, Böyük Britaniyanın Baş naziri Kir Starmer və Almaniyanın Kansleri Fridrix Merts Ukraynada səfərdədirlər.
Globalinfo.az xəbər verir ki, liderlər səfər çərçivəsində Ukrayna Prezidenti Volodimir Zelenski ilə bir araya gəliblər.
Həmçinin Kiyevdə Ukrayna uğrunda həlak olanların xatirəsini yad ediblər. Onlar bayraqların olduğu köşənin qarşısına gələrək çiçək qoyub və ehtiramla baş əyiblər.
Kadrlarda ən diqqətçəkən məqam isə xatirə abidəsinin qarşısındakı bayraqların arasında Azərbaycan və Türkmənistan bayraqlarının da olmasıdır. Belə ki, orada Ukrayna bayrağı ilə yanaşı, müharibədə bu ölkə uğrunda döyüşərək həlak olan digər vətəndaşların mənsub olduqları xalqların da bayraqları yer alıb. Ön hissədə isə Ukrayna ilə yanaşı Azərbaycan bayrağı da qoyulub. Beləliklə liderlər Azərbaycan bayrağının da önündə ehtiramla baş əyiblər.
Görüntüləri təqdim edirik:
Qeyd edək ki, Ukrayna ordusunda müharibədə döyüşən və şəhid olan çox sayda Azərbaycan əsilli hərbçi var.
Əliyar Xəlil
Globalinfo.az
