Lavrov hədələdi: “Rusiyanın səbri sərhədsiz deyil”

Rusiya indiyədək iqtisadi təcavüz aktlarına təmkinlə cavab verib, lakin bizim səbrimiz sərhədsiz deyil.

Globalinfo.az xəbər verir ki, APA-nın Moskva müxbirinin məlumatına görə, bunu Rusiya xarici işlər naziri Sergey Lavrov bildirib.

“Əlbəttə, bizim milli maraqlarımızı qorumaq üçün hər cür imkanımız var. Lazım gələrsə, onlardan maksimum istifadə edəcəyik. Rusiya ilə sanksiyalar dilində danışanlar yadda saxlamalıdırlar ki, biz hələ iqtisadi təcavüz aktlarına kifayət qədər təmkinlə cavab veririk, lakin bizim səbrimiz sərhədsiz deyil”, – deyə Rusiya XİN başçısı vurğulayıb.