Baqran Qalstanyanın təşkil etdiyi mitinqlərinin siyasi tərkibi çox zəifdir.
Globalinfo.az xəbər verir ki, bu iddia ilə Demokratik Alternativ Partiyasının sədri Suren Surenyants çıxış edib.
“Bu hərəkatda ən parlaq nöqtə hərəkatın lideri məsələsidir. Hərəkat məhz buna görə 2018-ci ildəki kimi kütləviləşib, xalq hərəkatına çevrilmədi. Bunun üçün isə Qalstanyan keçmiş hakimiyyət nümayəndələri ilə bağlı dəqiq qiymətləndirmə etməli idi. Əgər bu obyektiv qiymətləndirmə edilsə idi, o zaman hökumətin ona qarşı təbliğatına qalib gəlmək mümkün olacaqdı” – deyə o bildirib.
Surenyants deyir ki, Qalstanyan həmçinin Paşinyanın dəyişməsi halında yaranacaq təhlükəsiz problemlərinin həllini necə gördüyünü insanlara izah etməlidir:
“Baxın, ermənilərin 3 fobiyası var, yəni Paşinyan ancaq bu düymələrə basır. Bunlardan biri keçmiş hakimiyyət, ikincisi müharibə, üçüncüsü Rusiyadır. Ona görə, bu fobiyaları yox edəcək formul tapılmalıdır”.
Qeyd edək ki, Baqrat Qalstanyan keçən həftə 1 aylıq etirazlardan sonra küçə etirazlarını dayandırdığını elan edib. Bunu o, geri çəkilmə kimi təqdim etməyib. Onun yerinə Qalstanyan atdığı addımı daha geniş etirazlar üçün yenidən təşkilatlanma adlandırıb.
Əliyar Xəlil
Globalinfo.az
