Türkiyənin İstanbul şəhərində oktyabrın 16-da səhər saatlarından etibarən güclü yağışların yenidən yağacağı proqnozlaşdırılır.
Globalinfo.az xəbər verir ki, bu barədə Türkiyə mediası Meteorologiya Baş İdarəsinin məlumatlarına istinadən xəbər yayıb.
Proqnoza əsasən, yağıntılar xüsusilə İstanbulun Avropa hissəsində və şimal rayonlarında intensiv olacaq. Oktyabrın 16-sı səhər saatlarından başlayaraq yağışların güclənəcəyi, şənbə günü isə şəhərin bütün ərazisində leysan xarakteri alacağı gözlənilir.
Vətəndaşlara oktyabrın 14-də yağan güclü yağışların yaratdığı fəsadlar xatırladılıb. Onlara mümkün daşqın, su basması, ildırım və torpaq sürüşməsi təhlükələrinə qarşı ehtiyatlı olmaları və qabaqlayıcı tədbirlər görmələri tövsiyə edilib.
Həmçinin oxuyun
