İsrailin Sderot şəhərində ölən və yaralananlar arasında Azərbaycandan da çoxlu sayda insan var.
Globalinfo.az “Sputnik”ə istinadən xəbər verir ki, bunu İsraildəki Azərbaycan Evinin nümayəndəsi, Akko şəhərinin Dağ Yəhudiləri İcmasının sədri Nehemia Şirin-Mihaeli deyib.
Qeyd edək ki, HƏMAS 25.138 nəfərin yaşadığı Sderot şəhərinə də böyük raket hücumu həyata keçirilib. Diaspor nümayəndəsinin sözlərinə görə, onun sakinlərinin üçdə biri, yəni təxminən 8 min nəfəri dağ yəhudiləridir. Onların arasında Azərbaycan və Dağıstandan olanlar da az deyil.
“Ölənlər arasında çoxlu dağ yəhudiləri var, o cümlədən Azərbaycandan köçənlər. Hərbçilərdən başqa, qadınlar, uşaqlar və hətta bütün ailələr öldürülüb. Mən indi İsrailin şimalındayam, lakin texnologiya bizə vəziyyəti izləməyə imkan verir”, – Nehemya Şirin-Mihaeli bildirib.
Xatırladaq ki, Azərbaycanın İsraildəki səfirliyindən HƏMAS-ın hücumu nəticəsində ölən və yaralananlar arasında Azərbaycan vətəndaşları olmadığı bildirilib.
