AZƏRTAC-ın məlumatına görə, raketlərdən birinin səfirliyin ərazisinə düşməsi nəticəsində orada böyük bir yarıq əmələ gəlib.
Səfirliyimizin binası da daxil olmaqla divarlarına ciddi zərər dəyib. Divarın bir hissəsi uçub, həmçinin səfirliyin pəncərələri sınıb, diplomatlara məxsus avtomobillərə ziyan dəyib.
Rusiyanın ötən gecə Kiyevə həyata keçirdiyi hücumda istifadə etdiyi “İskəndər” raketinin qəlpələri Azərbaycan səfirliyinin binasına düşüb.
Globalinfo.az xəbər verir ki, bunu Ukrayna Prezidenti Volodimir Zelenski “X” hesabında yazıb.
“Ukraynaya hücumda təxminən 430 dron və 18 raketdən istifadə edilib. Kiyevdə onlarla yaşayış binası zədələnib. Azərbaycan səfirliyinin binasına “İsgəndər” raketinin qəlpələri düşüb”, – Zelenski qeyd edib.
Xatırladaq ki, ötən gecə Rusiyanın Ukraynaya hücumlarında 1 nəfər ölüb, 20 nəfərdən çox insan xəsarət alıb.
