İranda casusluqda ittiham olunan Fransa–Almaniya vətəndaşı Lennart Monterlos azad edilib.
Globalinfo.az xəbər verir ki, Fransa xarici işlər naziri özünün “X” hesabında Monterlosun vətənə qayıtdığını açıqlayıb.
O bildirib ki, səfirlik və Xarici İşlər Nazirliyinin əməkdaşları harada olurlarsa olsunlar, Fransa vətəndaşlarını qorumaq missiyasını uğurla yerinə yetiriblər.
Eyni zamanda o qeyd edib ki, Fransa Sesil Koler və Jak Parisin azadlığa buraxılmasını tələb etməkdə davam edir.
Xatırladaq ki, Fransa-Almaniya vətəndaşı olan 19 yaşlı Lennart Monterlos iyunun 16-da İranda casusluq ittihamı ilə saxlanılıb.
O, Avropadan velosipedlə səyahət edirmiş. İsraillə gərginliyin artdığı bir dövrdə ölkənin cənubundakı Bəndər Abbasda həbs edilib.
