İran Xarici İşlər Nazirliyinin sözçüsü İsmayıl Bəqayi İslamabadda keçirilən İran–ABŞ danışıqlarının nəticələri ilə bağlı ətraflı açıqlama verib.
Globalinfo.az xəbər verir ki, Bəqayi bu mərhələni son bir il ərzində iki tərəf arasında aparılan ən uzun və ən intensiv müzakirələrdən biri kimi xarakterizə edib.
Onun sözlərinə əsasən, Pakistanın vasitəçiliyi ilə baş tutan dolayı görüşlər fasiləsiz şəkildə təxminən 24–25 saat davam edib.
İ.Bəqayi bu müddətdə həm İran tərəfinin təqdim etdiyi 10 bəndlik təkliflər paketinin, həm də ABŞ tərəfinin qaldırdığı məsələlərin geniş şəkildə müzakirə olunduğunu bildirib.
Qurum rəsmisi danışıqların yekununu belə qiymətləndirib:
“Bəzi istiqamətlər üzrə müəyyən razılaşmalar əldə edilsə də, Hörmüz boğazı və regional təhlükəsizlik kimi bir neçə strateji mövzuda tərəflər arasında ciddi fikir ayrılıqları qalır”.
Safura Bənnayeva
Globalinfo.az
