Rusiya İstintaq Komitəsi (İK) Moskvada “Crocus City Hall” ticarət mərkəzində baş verən terror aktı ilə bağlı cinayət işi açıb.
Globalinfo.az xəbər verir ki, bu barədə Rusiya İK mətbuat xidməti məlumat yayıb.
***
Rusiyanın Moskva vilayətinin Krasnoqorsk şəhərindəki “Krokus siti holl” konsert zalında baş vermiş terror aktı nəticəsində yaralananlar sayı 130-a çatıb, 40 nəfər ölüb.
Globalinfo.az xəbər verir ki, bu barədə “112” teleqram kanalı bildirib.
Digər mənbələr isə ölü sayının 130-u ötdüyünü bildirir.
***
“Crocus City Hall”da atışma nəticəsində 40 nəfər həlak olub, 100-dən çox insan yaralanıb.
Globalinfo.az xəbər verir ki, barədə “112” teleqram kanalı məlumat yayıb.
Rosqvardiyanın xüsusi təyinatlı qüvvələri hadisə yerinə cəlb olunub.
Moskva vilayətinin Səhiyyə Nazirliyinin mətbuat xidmətindən verilən məlumata görə, 30-dan çox regional və 20 təcili tibbi yardım briqadası əraziyə göndərilib.
***
21:32
Moskvada “Crocus City Hall”a silahlı hücum olub.
Globalinfo.az xəbər verir ki, bu barədə “Baza” teleqram kanalı məlumat yayıb.
Hücum nəticəsində azı 15 nəfərin öldüyünə, 35 şəxsin isə yaralandığına dair məlumat yayılıb.
Ticarət mərkəzində güclü yanğın başladığı və hətta Moskva ətrafından da alovun göründüyü deyilir.
Hadisə şahidləri güllə səsləri eşitdiklərini bildiriblər.
Qeyd edək ki, “Crocus City Hall”un azərbaycanlı milyarder Araz Ağalarova məxsus olduğu bildirilir.
Əliyar Xəlil
Globalinfo.az
