Estoniyanın Sankt-Peterburqdan cəmi 400 kilometr aralıda HIMARS çoxsaylı buraxılış raket sistemləri ilə canlı atəş təlimləri keçirməsindən sonra təhlükəsizlik üzrə xüsusi qrup yaradılıb.
Globalinfo.az xəbər verir ki, bu barədə vilayətin qubernatoru Aleksandr Drozdenko öz teleqram kanalında məlumat yayıb.
Drozdenko regionun hava məkanı və Finlandiya körfəzi sularının qorunmasının prioritet olduğunu bildirib:
“Mövcud vəziyyəti nəzərə alaraq təhlükəsizlik orqanları ilə birlikdə lazımi tədbirləri həyata keçirəcəyik”.
Kremlin sözçüsü Dmitri Peskov isə bu addımı Baltikyanı bölgədə gərginliyin artması kimi dəyərləndirib. O, jurnalistlərə açıqlamasında qeyd edib ki, Baltikyanı ölkələrin aqressiv siyasəti nəticəsində region gərginlik ocağına çevrilib və Rusiya öz maraqlarını müdafiə etməyə tam hazırdır.
Tahir Turan
