Göygöl rayonunda ölümlə nəticələn ağır yol qəzası baş verib.
Globalinfo.az xəbər verir ki, hadisə Bakı-Qazax-Gürcüstan yolunun Yeni Qızılca kəndi istiqamətindən keçən hissəsində qeydə alınıb.
Belə ki, “Mercedes” markalı avtomobilin yol kənarında olan arakəsməyə çırpılması nəticəsində 1990-cı il təvəllüdlü Röyal İmanov dünyasını dəyişib, avtomobildə olan sərnişin 2002-ci il təvəllüdlü Əli Süleymanov isə müxtəlif dərəcəli bədən xəsarətləri alıb və xəstəxanaya yerləşdirilib.
İlkin məlumata görə, qəzaya səbəb avtomobilin yol kənarında olan arakəsməyə çırpılmasıdır.
Faktla bağlı araşdırma başlanılıb.
