25 may bazar günü Ukrayna ilə Rusiya arasında “1000-ə 1000” formatında hərbi əsirlərin mübadiləsinin üçüncü mərhələsi baş tutacaq.
Globalinfo.az xəbər verir ki, Ukrayna Prezidenti Volodimir Zelenski bu barədə axşam videomüraciətində deyib.
“Mübadilənin üçüncü mərhələsi mayın 25-də baş tutacaq və bu mərhələ çərçivəsində min nəfərimiz azad edilməlidir. Lakin vəzifə hazırda Rusiyada saxlanılan hər kəsi tamamilə azad etməkdir”, – Zelenski qeyd edib.
Ukrayna lideri dünyada ölkəsinə kömək edən hər kəsə də təşəkkür edib.
Prezidentin sözlərinə görə, mübadilə aparılan iki gün ərzində ümumilikdə 697 ukraynalı azad edilib:
“Onların əksəriyyəti Ukrayna Silahlı Qüvvələrinin hərbçiləridir. Həmçinin Milli Qvardiya, Dövlət Sərhəd Xidmətinin hərbçiləri də var. Bu şəxslərin 273-ü, çox hissəsi 2022-ci ildə Donetsk, həmçinin Xerson, Zaporojye, Xarkov, Luqansk vilayəti ərazisində əsir götürülüblər.
