İranın xarici işlər naziri Abbas Əraqçi BMT Baş Assambleyasının 81-ci sessiyasında iştirak etmək üçün Nyu-Yorka gedəcək.
Globalinfo.az xəbər verir ki, orada olduğu müddətdə Əraqçi ABŞ hökumətindən mühafizə istəyib.
İranın BMT yanında nümayəndəliyi sentyabrın 18-də ABŞ Dövlət Departamentinə diplomatik nota göndərərək Əraqçinin təhlükəsizliyinin təmin olunmasını xahiş edib.
Təhlükə qiymətləndirilməsindən sonra Dövlət Departamentinin Diplomatik Təhlükəsizlik Xidməti İran XİN rəhbərinə mühafizə ayrılmasına razılıq verib.
Əraqçi sentyabrın 21-də Nyu-Yorka gəlib və İran nümayəndə heyətinə rəhbərlik edir.
Qeyd edək ki, ABŞ daha əvvəl İranın əsas nümayəndə heyətinin, o cümlədən Prezident Məsud Pezeşkian və Abbas Əraqçinin ölkəyə girişinə icazə verib.
Bununla yanaşı, nümayəndə heyətinin Nyu-York daxilində hərəkətinə məhdudiyyətlər tətbiq olunub.
Əliyar Xəlil
