İstanbulda mütəşəkkil cinayətkar qruplara qarşı əməliyyat keçirilib, 27 nəfər saxlanılıb.
Globalinfo.az APA-ya istinadən xəbər verir ki, İstanbulda keçirilən “Mahzen-7” əməliyyatlarında “Memocan” ləqəbli Muhammed Urayın rəhbərlik etdiyi mütəşəkkil cinayətkar qrup zərərsizləşdirilib.
Türkiyənin daxili işlər naziri Ali Yerlikaya sosial media hesabında bu barədə məlumat paylaşıb və qeyd edib ki, ölkəni mütəşəkkil cinayətkar qruplardan təmizləməkdə qərarlıdırlar. Bildirilib ki, istənilən ölçüdə mütəşəkkil cinayətkar təşkilatlar sıradan çıxarılaraq, məsuliyyətə cəlb ediləcək.
